Балалар жылы аясында Ақтоғай ауданының оқушылары үшін «Ертіс Медиа» холдингінде оқушылардың тілші мамандығы туралы ойларын кеңейту, мақала жазуға машықтандыру, экран алдында жаңалық айтуға, оқу дикцияларын қалыптастыру, кәсіби бағдар беру мақсатында "Тәлімгердің жұмыс орнындағы он күн" атты жобасы іске асырылуда.
Жобамыздың алғашқы күні тәлімгеріміз, "Ертіс Медиа" ЖШС директорының орынбасары, "JEBE" қоғамдық бірлестігінің құрметті төрағасы, ақын, тілші, еліміздің мақтанышы, бетке ұстар ер азаматымыз Сманов Жұмабек Оркенұлы Нығманов атындағы орта мектебінің «Жас қаламгер» үйірмесінің шәкірттерін кәсіби мамандардың жұмыс орындарымен таныстырып, журналистиканың қыр-сыры жайлы мәліметтерімен бөлісті.
Баянауыл өңірінің тумасы Еламан Қабділәшім атты журналист, ақынмен кездесу өтіп, ақынның жарық көрген кітаптарымен танысып, шабыт, өлең жазу, жалпы шығармашылық тақырыптарында әңгіме өрбіді.
Оқушыларымыз оператордың қызметімен танысып, экран алдында сөйлеу дағдыларын қалыптастыру бойынша жұмыс жасады. Оператормен жұмыс жасау барысында жарықтың дұрыс түсуі, микрофонның қызметі, видеоаппаратпен жұмыс жасау және тағы басқа сол сияқты жұмыстардың қыр-сырын меңгерді. Фотограф Есенжол ағаларымен фотоаппаратпен дұрыс жұмыс жасауды, фотоға дұрыс түсіруді, суреттерді сөйлете білуге, оларды өндеуге, фотоның тақырыпты ашудағы басты міндеттерімен танысып, білімдерін жетілдірді. Оқушыларымыз кәсіби бағдар бойынша білімдерін кеңейтуді жалғастыруда.
Келесі күні оқушыларымыз үш топқа бөлініп, шеберлік сабаққа қатысты. Газет бетін беттеуші Нұрлан аға оқушыларға дайын материалдарды газет бетіне орналастырып, беттеуді, өндеу жұмыстарымен таныстырса, Алтынбек Елемесұлы мен Құндыз Тлектесқызы, Махаббат Баянбекқызы журналист мамандығының негізгі міндеттерімен таныстырып, материалды жинау, дайындау, түзету жұмыстары бойынша еңбектенді. Корректорлар тобымен Айдана Женісқызы дайын материалдардын қателерін тауып, редакциялау жұмысымен айналысты. Әр күндері қызықты өтіп, журналистика мамандығының қыр-сырын меңгере отырып, оқушыларымыз кәсіби бағдар бойынша білімдерін кеңейтуде
Ауданның білім бөлімі және Мектеп ұжымы атынан" Ертіс Медиа" холдингінің ұжымына шексіз алғысымызды білдіреміз .
