Жазғы демалыстар балалардың бос уақытының жылдық көлемінің едәуір бөлігін құрайды, сондықтан олар үшін жаз - бір жыл ішінде жинақталған шиеленісті бәсеңдету, жұмсалған күштерді толықтыру, денсаулықты қалпына келтіру, шығармашылық әлеуетті дамыту, жеке мүмкіндіктерін жақсарту.
Жазғы бағдарламаны жүзеге асыруда шатырлы лагерь ерекше орын алды. 5 шілдеден бастап Ақтоғай ауданы Жалаулы орта мектебінің педагогтары оқушыларға арналған жазғы бағдарламаға сәйкес "Батыр" атты шатырлы лагерін ұйымдастырды. Шатырлы лагерь бағдарламасы өз бағыты бойынша әртүрлі іс - шараларды қамтиды, әртүрлі патриоттық және спорттық бағыттарды, сауықтыруды, демалуды және балаларды тәрбиелеуді біріктіреді. Балалар үлкен ықыласпен шатырлар орнатты.
Жоспарға сәйкес лагерьдің салтанатты ашылуы ұйымдастырылды.
Балалардың толыққанды демалысын ұйымдастыру үшін жазғы мектеп жанындағы шатырлы лагерьдегі жұмыс келесі түрде қойылды: күннің бірінші жартысы – белсенді демалыс: экскурсиялар, жарыстар, конкурстарға дайындық. Екінші жартысы - тыныш ойындар, конкурстар, әңгімелер. Шатырлы лагерь отрядтарға бөлінді, әр отрядтың өз атауы, өз ұраны болды. Мұғалімдер спорттық марафон, эстафета, арқан тартудан жарыстар ұйымдастырды. Тарих және география мұғалімдері "Менің кіші Отаным" тақырыбында танымдық сағат өткізді. Барлық жоспарланған іс-шаралар оқушылардың қызығушылықтарына, денсаулығы мен қауіпсіздігіне бағытталған. Лагерь жұмысында балалардың экологиялық тәрбиесі мен салауатты өмір салтына көп көңіл бөлінді. Аталған іс шарамен 60 оқушы қамтылды
